ఇజ్రాయెల్‌, ఇరాన్ చమురు కర్మాగారాలపై దాడి చేయవచ్చట...!
ఇజ్రాయెల్‌, ఇరాన్ చమురు కర్మాగారాలపై దాడి చేయవచ్చట...!
ఇరాన్ చమురు కర్మాగారాలపై ఇజ్రాయెల్‌ దాడులు చేసే అవకాశం ఉందని, ఇదే అంశంపై చర్చిస్తున్నట్లు అమెరికా అధ్యక్షుడు జో బైడెన్‌ పేర్కొన్నారు. అయితే, తక్షణమే ఇజ్రాయెల్‌ ఈ దాడులు మొదలుపెడుతుందని అనుకోవడం లేదన్నారు. వైట్‌హౌస్‌లో విలేకరుల సమావేశంలో మాట్లాడిన ఆయన, చమురు కేంద్రాలపై ఇజ్రాయెల్‌ దాడులకు మద్దతిస్తారా...?అన్న ప్రశ్నకు జో బైడెన్‌ ఈ విధంగా స్పందించారు. బైడెన్‌ వ్యాఖ్యల నేపథ్యంలో ఆయిల్‌ ధరలు ఐదు శాతం పెరగడం గమనార్హం.
''మొదటి విషయమేంటంటే, ఇజ్రాయెల్‌ దాడులను మేం అనుమతించం. ఈ రోజు మాత్రం అటువంటిదేం జరగదు'' అని జో బైడెన్‌ పేర్కొన్నారు. అంతేకాకుండా ఇరాన్ అణు కేంద్రాలపై ఇజ్రాయెల్‌ దాడి చేయడాన్ని సమర్థించనన్నారు.
Click Here: Lord Venkateswara swamy song | శ్రీ వెంకటేశ్వర స్వామీ స్తుతి
ఇజ్రాయెల్‌పై ఇరాన్ ఇటీవల పెద్ద ఎత్తున క్షిపణి దాడులు చేయడాన్ని బెంజమిన్‌ నెతన్యాహు తీవ్రంగా పరిగణిస్తున్నారు. ఇందుకు ప్రతీకారం తీర్చుకుంటానని స్పష్టం చేశారు. ఈ క్రమంలో ఇరాన్‌పై ఏ క్షణమైనా దాడులు చేయవచ్చనే ఆందోళనలు మొదలయ్యాయి. ముఖ్యంగా ఇరాన్‌లోని చమురు కేంద్రాలను లక్ష్యంగా చేసుకోవచ్చని ఊహాగానాలు వినిపిస్తున్న తరుణంలో అమెరికా అధ్యక్షుడు జో బైడెన్‌ దీనిపై కొంత క్లారిటీ ఇవ్వడం గమనార్హం.
Reviewed by admin
on
Sunday, September 07, 2014
Rating:
