నవంబర్ 2024 ద్వాదశ రాశుల వారికి మాసఫలాలు

నవంబర్ 2024 ద్వాదశ రాశుల వారికి మాసఫలాలు

 

వివరణ: డా. ఎం. ఎన్. ఆచార్య, ప్రముఖ అంతర్జాతీయ జ్యోతిష, జాతక, వాస్తు శాస్త్ర పండితులు. శ్రీమన్నారాయణ ఉపాసకులు. సునంద రాజన్ జ్యోతిష, జాతక, వాస్తు కేంద్రం. తార్నాక, హైదరాబాద్. ఫోన్: 9440611151

 

గమనిక: ఈ ద్వాదశ రాశి ఫలితాలను ప్రస్తుత కాల గోచార గ్రహస్థితి, ద్వాదశ రాశులలో గ్రహాలు, వాటిపై ఇతర గ్రహాల దృష్టి, షడ్బలాలను దృష్టిలో పెట్టుకొని ఫలితాలు ఇవ్వడం జరుగుతున్నది. ఈ ఫలితాలు అనేవి అన్నివర్గాలకు చెందిన వారిని దృష్టిలో పెట్టుకొని తెలియజేస్తున్నాము. మీకు సంపూర్ణమైన ఫలితాలు తెలుసుకోవాలని ఆసక్తి మీకుంటే మీ పుట్టిన తేది ఆధారంగా వ్యక్తిగత జాతక పరిశీలనను అనుభవజులైన జ్యోతిష పండితులను సంప్రదించి వారి ద్వారా మీ జాతక చక్రం వేయించుకుని విషయం తెలుసుకుని తగిన రేమిడిలను ఆచరిస్తే ఫలితాలు అనుకూలంగా అనిభవంలోకి వస్తాయి.పేరుతో రాశి ఫలితాలు చూసుకోవడం అనేది సరైన పద్దతి కాదు, మీ పేరుతో రాశిఫలాలు చూసుకోవడం వలన సరైన ఫలితాలు రావు, ఇది గమనించగలరు. కావున మీ పూర్తి జాతక వివరాల కొరకు అనుభవజ్ఞులైన జ్యోతిష పండితులను సంప్రదించి వారికి దక్షిణ, తాంబూలాదులనిచ్చి మీ జాతక వివరాలను, తరునోపాయలను అడిగి తెలుసుకుని శుభ ఫలితాలను పొందగలరు. జైశ్రీమన్నారాయణ.

 

మేషరాశి (Aries) అశ్విని, భరణి, కృత్తిక 1వ పాదం వారికి: ఈ నెలలో అనుకూల వాతావరణం ఉంటుంది. ఆర్థికంగా మరింత పుంజుకుంటారు. దీర్ఘకాలిక అనారోగ్య సమస్యల నుండి ఉపశమనం లభిస్తుంది. వృత్తి వ్యాపారాలలో సమస్యలు ఎదురైనప్పటికీ ధైర్యంగా ఎదుర్కొని లాభాలు అందుకుంటారు. శత్రువులు కూడా మిత్రులుగా మారి సహాయ సహకారాలు అందిస్తారు. రావలసిన సొమ్ము సకాలంలో వసూలవుతుంది. కుటుంబ సమస్యలను పరిష్కరించుకునే అందరితో సఖ్యతగా వ్యవహరిస్తారు. సంతానం విద్యా విషయాలలో శుభవార్తలు అందుతాయి. అన్ని రంగాల వారికి యోగ కాలం నడుస్తుంది. ఉద్యోగమున మీ బాధ్యతలు సమర్థవంతంగా నిర్వహిస్తారు. నిరుద్యోగులకు అనుకూల సమయం. మాసం చివరన స్వల్ప వివాదాలు కలుగుతాయి. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

వృషభరాశి (Taurus) కృత్తిక 2, 3, 4 పాదాలు, రోహిణి, మృగశిర 1, 2 పాదాల వారికి: ఈ నెలలో మిశ్రమ ఫలితాలు ఉంటాయి. బంధు మిత్రులతో ఊహించిన వివాదాలు కలుగుతాయి. చేపట్టిన పనులలో జాప్యం తప్పదు. వృత్తి ఉద్యోగాలలో అధికారులతో స్వల్ప వివాదాలు ఉంటాయి. మాసం మధ్యలో నుండి అనుకూలత పెరుగుతుంది. ఇంటా బయట మీ మాటకు తిరుగు ఉండదు. ఎంతటి పనినైనా సులువుగా పూర్తి చేయగలుగుతారు. వృత్తి వ్యాపారాల్లో ఆశించిన మార్పులు చోటుచేసుకుంటాయి. ముఖ్యమైన వ్యవహారాలు అనుకూలంగా సాగుతాయి. నిరుద్యోగ ప్రయత్నాలు ఒక కొలిక్కి వస్తాయి. నూతన వ్యాపారాలు ప్రారంభించి లాభాలు అందుకుంటారు. అన్ని రంగాల వారికి అనుకూల వాతావరణం ఉంటుంది. స్నేహితుల నుండి ఊహించని బహుమతి అందుకుంటారు. అనుకూలమైన శుభ ఫలితాల కొరకు కొరకు విష్ణు సహస్ర నామాలను చదువుకోవాలి. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

మిధునరాశి (Gemini) మృగశిర 3, 4 పాదాలు, ఆరుద్ర, పునర్వసు 1, 2, 3, పాదాల వారికి: ఈ నెలలో అనుకూల వాతావరణం ఉంటుంది. చేపట్టిన పనులలో కార్యసిద్ధి కలుగుతుంది. దూరపు బంధువుల నుండి శుభకార్య ఆహ్వానాలు అందుతాయి. చిన్ననాటి మిత్రులతో విందు వినోద కార్యక్రమాలలో పాల్గొంటారు. నూతన వ్యాపార ప్రారంభానికి పెట్టుబడులు అందుతాయి. నిరుద్యోగ ప్రయత్నాలు అనుకూలిస్తాయి. విద్యార్థుల కష్టానికి తగిన ఫలితం పొందుతారు. నూతన గృహ నిర్మాణ ప్రయత్నాలు ప్రారంభిస్తారు. ఆర్థికంగా మరింత అనుకూల వాతావరణం ఉంటుంది. ముఖ్యమైన వ్యవహారాలకి అవరోధాలు కలిగిన నిదానంగా పూర్తి చేస్తారు. దైవ సేవా కార్యక్రమాలలో పాల్గొంటారు. దూరప్రయాణాలు లాభిస్తాయి. జీవిత భాగస్వామితో సఖ్యత కలుగుతుంది. ఉద్యోగస్తులకు పదోన్నతుల పెరుగుతాయి. గోచార రిత్య అష్టమ శని ప్రభావంతో ఉన్నారు కాబట్టి కాకులకు బెల్లంతో చేసిన గోధుమ రొట్టెలను వేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

కర్కాటకరాశి (Cancer) పునర్వసు 4వ పాదం, పుష్యమి, ఆశ్లేష వారికి: ఈ నెలలో ప్రథమార్థంలో ఆర్థిక పరమైన చిక్కులు కలుగుతాయి. నిరుద్యోగులు కొంతకాలం వేచి చూడక తప్పదు. ఇతరుల విషయాల్లో జోక్యం చేసుకుని ఇబ్బందులు ఎదుర్కొంటారు. శత్రు బాధలు పెరుగుతాయి. ప్రతి విషయానికి భయాందోళనలు కలుగుతాయి. సంతానం ఆరోగ్య విషయాల్లో అశ్రద్ధ చేయటం మంచిది కాదు. దైవ సేవా కార్యక్రమాలలో పాల్గొంటారు. దూర ప్రయాణాలు వాయిదా వేయడం మంచిది. చేపట్టిన పనులు మందకొడిగా సాగుతాయి. మాసం ద్వితీయార్థం నుండి కొంత అనుకూల వాతావరణం ఉంటుంది. ఆరోగ్యం సహకరిస్తుంది. బంధుమిత్రులతో సఖ్యత గా వ్యవహరిస్తారు. వృత్తి ఉద్యోగాలలో తొందరపాటు నిర్ణయాలు చేయడం మంచిది కాదు. చిన్నతరహా పరిశ్రమలకు నూతన ప్రోత్సాహకాలు అందుతాయి. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

సింహరాశి (Leo) మఖ, పుబ్బ, ఉత్తర 1వ పాదం వారికి: ఈ నెలలో అంత అనుకూలత ఉండదు. ప్రతి చిన్న విషయానికి గందరగోళ పరిస్థితులు ఉంటాయి. చుట్టుపక్కల వారితో మాటపట్టింపులు కలుగుతాయి. చేపట్టిన వ్యవహారాలు అంతగా కలిసి రావు. ఇతరులతో తొందరపడి మాట్లాడటం మంచిది కాదు. చేపట్టిన పనులలో జాప్యం కలుగుతుంది. వృత్తి వ్యాపారాలలో ఊహించని నష్టాలు ఎదురవుతాయి. ఉద్యోగపరంగా పని ఒత్తిడి పెరిగి సమయానికి నిద్రాహారాలు ఉండవు. భార్యాభర్తల మధ్య సరైన అవగాహన ఉండదు. స్త్రీ పరమైన సమస్యలు పెరుగుతాయి. నిరుద్యోగ ప్రయత్నాలు నిరుత్సాహపరుస్తాయి. గృహ నిర్మాణ పనులు మందకొడిగా సాగుతాయి. అవసరానికి చేతిలో డబ్బు నిల్వ ఉండదు. ప్రయాణాలలో వాహన ఇబ్బందులెదురవుతాయి. అన్ని రంగాల వారికి కొంత ప్రతికూల వాతావరణం ఉంటుంది కుటుంబ సభ్యుల ప్రవర్తన వలన మానసిక ఆందోళన కలుగుతాయి. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

కన్యారాశి (Virgo) ఉత్తర 2, 3, 4 పాదాలు, హస్త, చిత్త 1, 2 పాదాల వారికి: ఈ నెలలో అనుకూల వాతావరణం ఉంటుంది. అన్ని వైపుల నుండి ఆదాయం అందుతుంది. దీర్ఘకాలిక అనారోగ్య సమస్యల నుండి బయటపడతారు. శత్రు సమస్యలను తెలివిగా పరిష్కరించుకుంటారు. ముఖ్యమైన వ్యవహారాలలో కీలక నిర్ణయాలు తీసుకుని లాభాల అందుకుంటారు. ఇంటాబయటా మీ మాట తీరు తో అందరినీ ఆకట్టుకుంటారు. సంతానం విద్యా విషయాలలో శుభవార్తలు అందుతాయి. కుటుంబ సభ్యులతో దైవ సేవా కార్యక్రమాలలో పాల్గొంటారు. నూతన వాహన కొనుగోలు ప్రయత్నాలు ఫలిస్తాయి. గృహమున శుభకార్యాలు నిర్వహిస్తారు బంధుమిత్రులు రాక ఆనందం కలిగిస్తుంది. వృత్తి వ్యాపారాలలో కష్టానికి తగిన ఫలితం పొందుతారు. ఉద్యోగ వాతావరణం ఉత్సాహంగా ఉంటుంది విద్యార్థులకి విదేశీ ప్రయాణాలు అనుకూలిస్తాయి. అనుకూలమైన శుభ ఫలితాల కొరకు గరికతో గణపతికి పూజ చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

తులారాశి (Libra) చిత్త 3, 4 పాదాలు, స్వాతి, విశాఖ 1, 2, 3, పాదాల వారికి: ఈ నెలలో అన్ని రంగాల వారికి అనుకూల వాతావరణం ఉంటుంది. ఇంటా బయట మీ మాటకు విలువ పెరుగుతుంది. చేపట్టిన పనులు సకాలంలో పూర్తి చేస్తారు. రాజకీయ ప్రముఖుల నుండి అరుదైన ఆహ్వానాలు అందుతాయి. వృత్తి ఉద్యోగాలలో మంచి మాట తీరుతో అధికారులను ఆకట్టుకుంటారు. వ్యాపార విస్తరణకు ప్రయత్నాలు ఒక కొలిక్కి వస్తాయి. ఆదాయం విషయంలో లోటుపాట్లు అధిగమిస్తారు. దీర్ఘకాలిక రుణాలు కొంత తీర్చగలుగుతారు. కుటుంబ సభ్యుల ఆరోగ్య విషయాలలో శుభవార్తలు అందుతాయి. నూతన వాహన కొనుగోలు ప్రయత్నాలు ఫలిస్తాయి. బంధుమిత్రులతో విందువినోదాలు కార్యక్రమాలలో పాల్గొంటారు. నూతన వస్త్ర ఆభరణాలు కొనుగోలు చేస్తారు. నిరుద్యోగులకు నూతన అవకాశాలు లభిస్తాయి. అనుకూలమైన శుభ ఫలితాల కొరకు నవగ్రహ స్తోత్రం పాటించాలి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

వృశ్చికరాశి (Scorpio) విశాఖ 4వ పాదం, అనురాధ, జ్యేష్ట నక్షత్రాల వారికి: ఈ నెలలో అనుకూల వాతావరణం ఉంటుంది. వృత్తి వ్యాపారాలు లాభసాటిగా సాగుతాయి. చేపట్టిన ప్రతి పనిలో ఆశించిన పురోగతి లభిస్తుంది. నూతన వాహనం కొనుగోలు చేస్తారు. నిరుద్యోగులకు చాలాకాలంగా వేచి చూస్తున్నా అవకాశములు అందుతాయి. సంతాన వివాహ ప్రయత్నాలు కలసి వస్తాయి. గృహమునకు బంధు మిత్రుల రాక ఆనందం కలిగిస్తుంది. సోదరులతో స్థిరాస్తి వివాదాలు పరిష్కరించుకుంటారు. పాత మిత్రులతో విందు వినోద కార్యక్రమాల్లో పాల్గొంటారు. మాసం చివరన శత్రు బాధలు పెరుగుతాయి. ఆర్థికంగా కొంత ఒత్తిడి పెరుగుతుంది. అధికారులతో వివాదాలకు దూరంగా ఉండటం మంచిది. ఆధ్యాత్మిక సేవా కార్యక్రమాలలో పాల్గొంటారు. దూర ప్రయాణాలు వాయిదా వేయుట మంచిది. గోమాతకు గ్రాసం పెట్టండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

ధనుస్సురాశి (Sagittarius) మూల, పూర్వాషాఢ, ఉత్తరాషాఢ 1వ పాదం వారికి: ఈ నెలలో అంత అనుకూలత లేదు చేపట్టిన పనులు మందకొడిగా సాగుతాయి. ఆర్థికంగా కొంత గందరగోళ వాతావరణం ఉంటుంది. దీర్ఘకాలిక ఒత్తిడి పెరుగుతుంది. ఆరోగ్య విషయంలో అశ్రద్ధ చేయడం మంచిది కాదు. ముఖ్యమైన వ్యవహారాలలో కొన్నిసార్లు పరీక్షా సమయం వలె ఉంటుంది. కుటుంబ వాతావరణం కొంత చికాకు కలిగిస్తుంది. సమయానికి నిద్రాహారాలు ఉండవు దూర ప్రయాణాలలో ఆటంకాలు కలుగుతాయి. నిరుద్యోగులకు అంది వచ్చిన అవకాశాలు సద్వినియోగం చేసుకోవడంలో విఫలమౌతారు. వృత్తి వ్యాపారాలలో కష్టం పెరుగుతుంది. ఉద్యోగమున బాధ్యతలు సమర్థవంతంగా నిర్వహించలేక అధికారుల ఆగ్రహమునకు గురి అవుతారు. ఉద్యోగ విషయమై అధికారులతో జాగ్రత్తగా వ్యవహరించాలి. దైవ సేవా కార్యక్రమాలలో పాల్గొంటారు. మాసం చివరన కొంత అనుకూల వాతావరణం ఉంటుంది. అనుకూలమైన శుభ ఫలితాల కొరకు మృత్యంజయ జపం చేయడం మంచిది. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

మకరరాశి (Capricorn) ఉత్తరాషాఢ, 2, 3, 4 పాదాలు, శ్రవణం, ధనిష్ఠ 1, 2 పాదాల వారికి: ఈ నెలలో ప్రతికూలంగా ఉంటుంది. ప్రతి విషయంలోనూ అప్రమత్తంగా వ్యవహరించాలి. దూర ప్రయాణాలు వాహన ప్రమాద సూచనలున్నవి. ఇతరులతో తొందరపడి మాట్లాడటం మంచిది కాదు. కుటుంబ సభ్యుల ఆరోగ్య విషయాలు మరింత మానసిక అశాంతిని కలిగిస్తాయి. వృత్తి వ్యాపారాలలో శారీరక శ్రమ పెరుగుతుంది. సమయానికి నిద్రాహారాలు ఉండవు. చేపట్టిన పనులు మధ్యలో నిలిచిపోతాయి. సమాజంలో మీ కీర్తి ప్రతిష్టలకు భంగం వాటిల్లే అవకాశం ఉన్నది. ఉద్యోగస్తులకు అదనపు బాధ్యతలు పెరిగి తగిన విశ్రాంతి ఉండదు. నిరుద్యోగులు మరింత కష్టపడవలసి రావచ్చు. సంతాన వివాహ ప్రయత్నాలలో స్వల్ప ఆటంకాలు కలుగుతాయి. ఆర్థికంగా అవసరానికి చేతిలో డబ్బు నిల్వ ఉండదు. బంధుమిత్రులతో మాటపట్టింపులు కలుగుతాయి. దైవ కార్యక్రమాల పట్ల ఆసక్తి పెరుగుతుంది. అనుకూలమైన శుభ ఫలితాల కొరకు ప్రతీ రోజూ రావి చెట్టుకు 'ఓం నమో భగవతే వాసుదేవాయ' అని స్మరిస్తూ 11 ప్రదక్షిణలు చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

కుంభరాశి (Aquarius) ధనిష్ఠ 3, 4 పాదాలు, శతభిషం, పూర్వాభాద్ర 1, 2, 3 పాదాల వారికి: ఈ నెలలో కొంత ఇబ్బందికర వాతావరణం ఉంటుంది. కోపాన్ని అదుపులో ఉంచుకోవడం మంచిది. కుటుంబ వ్యవహారాలలో తొందరపడి నిర్ణయాలు తీసుకొని ఇబ్బందులు ఎదురుకొంటారు. దీర్ఘకాలిక అనారోగ్య సమస్యలు మరింత బాధిస్తాయి. సోదరులతో స్థిరాస్తి వివాదాలు వలన మానసిక ఇబ్బందులు ఎదురవుతాయి. అధికారులతో మరింత అప్రమత్తంగా వ్యవహరించాలి. జీవిత భాగస్వామితో ఊహించని వివాదాలు కలుగుతాయి. సంతానం విద్య విషయాలు మరింత నిరుత్సాహపరుస్తాయి. నిరుద్యోగుల కష్టానికి తగిన ఫలితం లభించదు. నూతన వ్యాపారాలు ప్రారంభించటానికి సకాలంలో పెట్టుబడులు అందక మధ్యలో నిలిపివేస్తారు. ధన వ్యవహారాలలో ఇతరులకు మాట ఇవ్వటం మంచిది కాదు. వృధా ప్రయాణాలు చేస్తారు. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి,  పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

 

మీనరాశి (Pisces) పూర్వాభాద్ర 4వ పాదం, ఉత్తరాభాద్ర, రేవతి వారికి: ఈ నెలలో అనుకూల వాతావరణం ఉంటుంది. వృత్తి వ్యాపారాలు సజావుగా సాగుతాయి. ఉద్యోగస్తులకు ఉన్నత పదవులు పొందుతారు. దీర్ఘకాలిక అనారోగ్య సమస్యల నుండి ఉపశమనం లభిస్తుంది. ఆదాయ మార్గాలు పెరుగుతాయి. పాత రుణాలు తీర్చగలుగుతారు. శత్రువులు మీకు అణిగిమణిగి ఉంటారు. విలువైన వస్తు వాహనాలు కొనుగోలు చేస్తారు. గృహమున శుభకార్యాల నిర్వహణలో బంధుమిత్రులు ఆగమనం ఆనందం కలిగిస్తుంది. చిన్ననాటి మిత్రులతో కీలక విషయాలు చర్చిస్తారు. దాయాదులతో స్ధిరాస్తి వివాదాలు నూతన ఒప్పందాలు చేసుకుంటారు. నిరుద్యోగులకు అప్రయత్నంగా నూతన అవకాశాలు లభిస్తాయి. విద్యార్థులకు ఆశించిన ఫలితాలు పొందుతారు. సోదర వర్గం నుండి ఊహించని సహాయ సహకారాలు అందుతాయి. కుటుంబ సభ్యులతో పుణ్య క్షేత్రాలు దర్శించుకుంటారు. అనుకూలమైన శుభ ఫలితాల కొరకు సూర్య దేవుని ఆరాధన చేయండి,  పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.