ఇరాన్‌ భద్రతా ఏజెంట్లతోనే అంతం
ఇరాన్‌ భద్రతా ఏజెంట్లతోనే అంతం
-3 గదుల్లో బాంబులు పెట్టించిన మొస్సాద్‌హమాస్‌ చీఫ్‌ హనియా హత్య తీరిదీ.
ఇంటర్నెట్‌ డెస్క్‌: హమాస్‌ చీఫ్‌ ఇస్మాయిల్‌ హనియా హత్యకు ఇరాన్‌ భద్రతా సిబ్బందినే ఇజ్రాయెల్‌ వినియోగించుకుంది.
ఇద్దరు ఇరాన్‌ ఏజెంట్లను ఆ దేశానికి చెందిన మొస్సాద్‌... తనవైపు తిప్పుకొని వారితోనే బాంబులు పెట్టించి హతమార్చింది. ఆ ఇద్దరు ఏజెంట్లు 3 గదుల్లో బాంబులు పెట్టి వాటిని నూతన అధ్యక్షుడు మసౌద్‌ పెజెష్కియాన్‌ ప్రమాణ స్వీకారానికి హాజరయ్యేందుకు హనియా వచ్చినప్పుడు పేల్చేశారు. ఇరాన్‌ అధికారులవద్ద ఉన్న సీసీ కెమెరాల్లో... ఇద్దరు ఏజెంట్లు భవనంలోని పలు గదుల్లో రహస్యంగా తిరిగినట్లు రికార్డయింది. నిమిషాల వ్యవధిలోనే వారు ఆ పని చేసినట్లు తేలింది. ఆ తర్వాత దేశం విడిచి రహస్య ప్రదేశానికి వెళ్లినా అక్కడ ఉన్న తమ వేగుతో సంబంధాలను కలిగి ఉన్నట్లు సమాచారం. దీంతోనే బుధవారం తెల్లవారుజామున 2 గంటల సమయంలో బాంబులను పేల్చినట్లు తెలుస్తోంది. మొస్సాద్‌ ఏజెంట్లుగా పని చేసినవారు అన్సార్‌-అల్‌-మహదీ ప్రొటెక్షన్‌ గ్రూపునకు చెందినవారని తెలిసింది. ఈ గ్రూప్‌ దేశంలోనూ, బయటా అత్యున్నత స్థాయి నేతల భద్రతను చూస్తుంది.
హనియాను హత్య చేయడానికి స్వల్ప శ్రేణి ప్రొజెక్టైల్‌ను వాడినట్లు తెలుస్తోంది. 7 కేజీల వార్‌హెడ్‌ను ఉపయోగించినట్లు సమాచారం. ఈ ఘటన తమ దేశాన్ని తీవ్ర ఇబ్బందికి గురిచేసేదని, భద్రతాపరంగా భారీ వైఫల్యమని ఇరాన్‌ రివల్యూషనరీ గార్డ్స్‌ కోర్‌ (ఐఆర్‌జీసీ) అధికారి ఒకరు అభిప్రాయపడ్డారు. ప్రతీకారంగా హెజ్‌బొల్లాతో కలిసి ఇజ్రాయెల్‌పై నేరుగా దాడి చేయాలని ఐఆర్‌జీసీ భావిస్తోంది.
Reviewed by admin
on
Sunday, September 07, 2014
Rating:
