Top Ad unit 728 × 90

నేను గెలిస్తే.. ఆకాశమే హద్దు: ఫేస్ బుక్ లైవ్‌లో నాగబాబు

నేను గెలిస్తే.. ఆకాశమే హద్దు: ఫేస్ బుక్ లైవ్‌లో నాగబాబు

ఎన్నికల్లో నరసాపురం ఎంపీగా గెలిస్తే ఆకాశమే హద్దుగా పనిచేస్తానన్నారు జనసేన పార్లమెంట్ అభ్యర్ది నాగబాబు. ఈ సందర్భంగా ఫేస్ బుక్‌ లైవ్‌లోకి వచ్చిన ఆయన పలు ఆసక్తికరమైన విషయాలను నెటిజన్లతో షేర్ చేసుకున్నారు. ఈ లైవ్‌లో నాగబాబుతో పాటు దర్శకుడు మెహర్ రమేష్‌ కూడా పాలు పంచుకున్నారు. 

ఈ సందర్భంగా నాగబాబు మాట్లాడుతూ.. ‘చాలా రోజుల తరువాత మీతో నా అనుభవాలను పంచుకోవాలని అనిపించింది. ముఖ్యంగా ఎలక్షన్ ప్రచారంలో నాకు ఎదురైన వాటిని మీతో షేర్ చేసుకోవాలని అనిపించింది. అందుకే ఫేస్ బుక్ లైవ్‌ ద్వారా మీ ముందుకు వచ్చా. 

ముఖ్యంగా నేను మొన్న నరసాపురం ఎంపీగా పోటీ చేశా. రిజల్ట్ కోసం ఎదురు చూస్తున్నా. నరసాపురం ఏరియాలో ఏడు అసెంబ్లీ నియోజక వర్గాల ప్రజలందరికీ ధన్యవాదాలు. ముఖ్యంగా మా తమ్ముడు జనసేన అధినేత భీమవరం నుండి పోటీ చేశారు. మా తమ్ముడు అని అనలేకపోతున్నా.. నాయకుడు అని అనడం అలవాటు అయ్యింది. 

ఇక ఎన్నికల ప్రచారంలో ప్రజలందరూ మాపై చూపిన ప్రేమకి.. మా జీవితానికి ఇది సరిపోతుంది అనిపించింది. రిజల్ట్ అనేది మా చేతుల్లో లేదు. ఫలితం ఎలా వస్తుందో తెలియదు. అది నాకు అనవసరం కూడా. అయితే పాజిటివ్ రిజల్ట్‌ని ఊహిస్తున్నా. ఏది ఏమైనా ఎన్నికల సందర్భంగా ప్రజలు నాపై చూపిన ప్రేమకు నా జీవితాన్ని వాళ్లకు అంకితం చేశాయాలని అనిపించింది.

గతంలో పీఆర్పీ పార్టీకి ప్రచారం చేశారు. అయితే అప్పుడు చూపించిన ఆదరణకి ఇప్పటికీ వంద శాతం తేడా ఉంది. మెయిన్‌గా కళ్యాణ్ బాబు అంటే విపరీతంగా ఆదరిస్తున్నారు. పార్టీని జనంలోకి బాగా తీసుకువెళ్లారు. నాకు ప్రజల నుండి అనూహ్యమైన స్పందన వచ్చింది. ముఖ్యంగా యూత్‌ని చూస్తుంటే కళ్లల్లో నీళ్లు తిరిగాయి. అంతలా దగ్గరయ్యా వాళ్లకి. నేను ప్రచారంలో చూసిన వాళ్లందరి ముఖాలు నాకు గుర్తుకు వస్తున్నాయి. 

వాళ్ల ప్రేమ ఆదరణ చూస్తుంటే ప్రపంచంలో ఎవరితోనైనా ఫైట్ చేయగలం అనే ధైర్యం వచ్చింది. అలాంటి ప్రజలకోసం ఏదైనా చేయాలని అనిపిస్తుంది. ఈ సందర్భంగా నాకు ఏం మాట్లాడాలో అర్ధం కావడంలేదు. 

ఇంత ప్రేమ చూపించిన నా నరసాపురం ప్రజలకు నేను ఏం చేయగలను. ఎంపీగా పోటీ చేశాను కాబట్టి ఎలా చేస్తానన్నది నా ప్లాన్స్ నాకు ఉన్నాయి. నా శక్తి ప్రకారం ఎలా చేయాలి ఏం చేయాలన్నది పక్కా ప్రణాళికతో ముందుకు వెళ్తా. నరసాపురం ఎంపీగా విజయం సాధిస్తే.. ఆకాశమే హద్దుగా పనిచేస్తా. లిమిట్స్ ఉండవు. ఒక ఎంపీ ఏం చేయగలడో.. ఎంత చేయగలడో చేసి చూపిస్తా’ అంటూ ధీమా వ్యక్తం చేశారు నాగబాబు. 

గమనిక:- వీడియోల కోసం క్రింద లింక్ క్లిక్ చేసి మా YOUTUBE (pslv tv news) Channel ని SUBSCRIBE చేయండి.

https://www.youtube.com/channel/UC6bHthVLLMA1oF08776puVw?view_as=subscriber?sub_conformation=1

 

నేను గెలిస్తే.. ఆకాశమే హద్దు: ఫేస్ బుక్ లైవ్‌లో నాగబాబు Reviewed by admin on Sunday, September 07, 2014 Rating: 5
All Rights Reserved by VGC Online Services Pvt. Ltd. © 2014 - 2019

Contact Form

Name

Email *

Message *